بیلدیریش
حورماتلی ایلدشلر! بیلشینگیز یالی تورکمن آکتیویستلری حالق کؤپچولیگی بیلن بیله لیکده باریپ ۳۱ یئل موندان اوزال "تورکمن حالقی نینگ مدنی و سیاسی اوجاغی" آتلی قورامانینگ دویبونی توتوپدیلار. بیرگیدن کمچیلیکلره غارامازدان، "اوجاق/کانون" بار گویجی بیلن شوگونه چنلی اؤز میسسیاسینی/ وظیفه سینی دوام اتدیریپ گلیأر. شو دؤورینگ ایچینده "اوجاغیمیزی" سؤندورجک بولوپ، ایچرکی هم داشارقی دوشمانلار الدن گله نینی اتدیلر و ادیپ گلیأرلر، دوین اوجاغی موقاددس ساییپ اونونگ اودونا چویون تورکمن آکتیویستلری بولسا ایندی اوندان آراسینی آچیپ، پاسسیولاشیپ، اؤز ایشلری بیلن بولدولار. داشارقی حیله گأرلرینگ آلداووینا هم دوزاغینا دوشنلر بولسا، بو ملی حرکتی پارچالاپ اونی بؤلک- بؤلک اتمأگه سینانشدیلار، اما اولارینگ بو حیله لری هم پاشمادی.
گچن یئل سوئده گلیپ یرلشمدن سونگرا "مدنی و سیاسی اوجاغینگ" بو یورتدا اؤز ایشینی بس ادندیگینه گؤز یتیردیم و"کانونی "غایتادان دیکتمأگه سینانشدیم. شول اساسدا "ایل گویجی" آدی بیلن شو وبلاگی یولا قویدوم. ماقصادیم "اوجاغینگ" آدینا حرکت ادیأنلرینگ غایتادان آغزی بیر، بیر سوپرانینگ داشینا یئغناشماقلاریدی، غینانساغام اولار ییغنانشیپ بیلمه دیلر، پاسسیولاشان ایلدشلریمیز بولسا آکتیولاشمادیلار.
شونگا گؤرأ حأضیرکی گلوبال دؤویرینگ طالابینا لایئقلیقدا حالقیمیزینگ میللی آزاتلیغینا هم ارکینلیگینه قوللوق ادیانلری تاریخی، ادبی و مدنی مسئله لره دگیشلی دورلی ماغلوماتلار بیلن اوپجین ادیپ دورماق اونسیمی چکدی شول اساسدا بولسا "تورکمنی اؤره نیش مرکزی" دیین وبلاگی یولا قویدوم
مومکینچیلیک لریمی هم تجربه لریمی گؤز اؤنگونده توتوپ بو یولدا ادیپ بیلجک ایشلریمینگ، ایله- گونه پیدالی بولارینا اومید ادیأرین.
شو آز دؤورینگ ایچینده منی قولدان ایلدشلریمه منتدارلیغیمی بیلدیریپ، موندان بئیلأک وبلاگ لاریندا یا- دا اینترنت سایت لاریندا "ایل گویجی- سوئد" لینکی نینگ یرینه شو آشاقداقی تأزه وبلاگیمی نینگ لیکینی برسه لر منتدار بولارین.
حورمات بیلن: آقمیرات گورگنلی
دکابر۱۷، ۲۰۱۰- نجی یئل
No comments:
Post a Comment