یئنه من بار

یۆره گیمده دۆون آرزولاریما یتمک اۆچین یئنه- ده من بار...

اؤلۆمینگ بأری یانیندان غایدان جبار پ- نینگ یادلاماسیندان

 شول گونی یاغنی 1358- نجی یئلینگ فروردین آیی نینگ 15- ینه حکومت بیلن تورکمنلرینگ آراسیندا آتیشیقلاری یاتیرماق اوچین بیر ایلالاشیغا قول چکیلدی. بیز شوندا سنگرلریمیزده قاراویلچیلیق چکیأردیک. مرکزیمیزدن تلفن آرقالی بیزه بویون بولوپ، یاراغلاریمیزی گلجک حاربیلارا برمگمیزی آیتدیلار. من و یولداشیم بریلن بویروغی یرینه یترمکچی بولانیمیزدا، حاربیلار بیلن گلن شخصی اشیکلی ساقغاللی لار، بیزی زور بیلن ایلتر- سیلتر ایدپ باشلادیلار. من یاراغیمی برمزدن اوزال، بولارینگ پأللری نینگ پوچدیغینی آنگیپ، اولارا یرلرینده غیمیلدامانی دورماغینی آیتدیم، یؤنه باشغا بیری آرقامدان گلیپ، بیر زات بیلن کللأمه اوروپ سنگسیره تدی، سونگرا الیمیزی دانگیپ، اؤزمحله لرینه آلیپ گیتدیلر. بیز اولارا: «یاراشیق ایلالاشیغا قول چکیلدی، سیزینگ بیز بیلن بئیله حرکت اتمأگه حاقینگیز یوق» دییدیک. اولار مـونگا غارامازدان بیزی اوروپ حـورلادیــلار. تؤوه رکـده یؤرن بیرنأچه یاش اوغلان- دا بیزه دوپولیپ، دپـیپ اوغرادیلار. اوزاقـداقیلار داشلایاردیلار. یولداشیمینگ کله سی یارالیپ، غان آقـیپ اوغرادی. سونگرا بیزی آتیپ اؤلدۆرملی دیین قارارا گلدیلر.

کوممت ینگ داشیندا اله دۆشن اسیرلری آلیپ، اؤلدورمک اوچین 3 سانی میدانی بللأپدیرلر. اولاردان ایکیسی نینگ دولودیغی مألیم بولاندان سونگ، بیزی 3- نجی میدانا آلیپ گیتدیلر. ماشیندان دوشوردیلر، گؤزلریمیزی دانگدیلار. اولار بیزه: "اون أدیم یؤرأنگ "دییدیلر. بیرنأچه أدیم یؤره مأنکأک، حکومتینگ یاراغلی آداملاری بیزه اوق یاغدیریپ باشلادیلار. من گؤزۆم دانگیغیلی- دا بولسا بیرآزجیق داش- تؤوه رگیمی گؤریپ بیلیأردیم. آتیلان اوقلارینگ بیریسی یولداشیمی نینگ کله سینه دگدی، اول پاخیر شول یرده جان بردی، من بیر بادا اؤزۆمی یره آتدیم، بیر اوق قولوما دگدی، اوقونگ ضارباسیندان بیر گزک داشیما تیرلندیم، ایکینجی اوق- دا الیمه دگدی، قولومینگ سۆنگکی اۆزۆلدی. سونگرا 5 مترلیکدن آتیپ باشلادیلار، 20-أ قولای اوق یاغدیردیلار، اولاردان بیریسی قورساغیمینگ اته گیندن، ایکیسی بیلیمدن، ایکیسی- ده گرشیمه دگدی. غانحورلار منینگ دیردیگیمی بیلیپ، آیاقلارینداقی پوتین لری بیلن ایچیمه دپیپ، دیشلریرینی غیژیردادیپ، غارنیمی دپه لأپ ایچه گیمی چیقارا گتیردیلر. شوندا هوشومدان گیدیپدیرین. اولار منی اؤلدی دییپ اؤیدیپ، تاشلاپ گیتدیلر.

من سۆیره نیپ، بیر یردن اؤتـۆپ باریان ماشینا ال سالغادیم، اولارام منی گؤریپ، کسل حانا یتیشدیردیلر. دکترلر منی عمل اتمکدن چکینیأردیلر، اولار باردی- گلدی اؤلسه، اؤنگوندن گرک بولان کاغیذا قول چکیلمگینی ایسله یأردیلر. کسل حانآ بولسا تورکمنلری قویبرمه یأردیلر. غاراض "آدام یوق" دییپ بهانا ادیأردیلر. من بو یاغدایا دۆشۆندیم. ساغ الیمی نینگ سۆنگکی دؤویلنی اۆچین، سول الیم بیلن کاغیذا قول چکدیم. سونگرا منی عمل اتدیلر.

اوقلارینگ بیریسی یۆره گیمی نینگ یآنجاغازیندان گچیپدیر، باشغا بیر اوق بولسا بیریاریم سانتی متر ایچگی مینگ کسلمگینه سبأپ بولوپ، یئنه بیری سول اؤیکه نی مینگ کسیلمگینه، غاپیرغالاریمی نینگ دؤویلمگینه آلیپ گلدیلر.

دؤرت گۆندن سونگرا کوممت دینگ کسل حاناسیندا اؤزومه گلدیم. یرلی و داشاری یورت ژورنالیستلر منینگ بیلن مصاحبه اتدیلر. اولار منینگ دیری غالاندیغیما گنگ غالدیلار. سونگرا منی تهرانه آلیپ غایدیپ، اول یرده بجریش ایشیمه دوام اتدیردیلر. حأضیر ساغ-آمان یاشاپ یؤرین، یؤنه یۆره گیمده دۆون آرزولاریما یتمک اۆچین یئنه- ده من بار.