بایلی شاهیر
خوار ایلأر
تکبیرلیک ایلأپ، من- منلیک اتمه،
ایل ایچینده اولی آدینگ خوار ایلأر،
یامانا یاناشما، بیر حابار غاتما،
حابار غاتسانگ اوستون دولی شر ایلأر.
دلمنجیرأپ یالبارماغین نادانا،
قوی آتسین، برسین دویـپسیز عوممانا،
دونیأ سیغماز، چیشر اوتیر حامانا،
اؤز یانیندان، اؤز-اؤزینی شیر ایلأر.
بدآصیلا بگلیک ایشی یاراشماز،
قوچ ییگیتلر اتجک ایشن غاراشماز،
مرده ایشینگ دوشسه واقـته غاراشماز،
ناماردا ایش دوشسه انتظار ایلأر.
بایلی دییر بد ایشلردن چک الینگ،
تأ اؤلیأنچأ یامان گؤرمه سین ایلیم،
یاغشی نیت بولسون، نیت ینگ پألینگ،
یامان نیت غابرینگ غیسیپ دار ایلأر.
**********
No comments:
Post a Comment