گؤرشجنگ آغامیز ولی مأد آخون ارزانشه آچیق حاط
حورماتلی یاشولیمیز ولی مأد آخوندان توقغامیز
غادیریلی هم گؤرشجنگ آغامیز آخون آغا!
باشدا سیزه برک جان ساغلیق هم اوزاق یاش دیلـِمک بیلن سیزدن اولی بیر بورجی یرینه یترمگینگیزی توقغا ادیأریس.
بیلشمیزه گؤرأ سیز المیداما عادالاتینگ طاراپیندا دوروپ، ایل- گۆنۆنگ بأهبیدی اوغروندا گؤرِشیپ گلدینگیز. دینگه سیاست میدانیندا دأل، ایسـِم تۆرکمن حالقی نینگ ملی- ادبی میراثینی غوراماقدا- دا زأحمت بارینی چکدینگیز. ملی شاهیریمیز ماغتیمغولی نینگ دیوانی نینگ باریپ ۱۳۴۵- نجی ییلدا چاپ بولماغیندا- دا اولی هم باحاسینا یِـِتیپ بولماجاق غوشاندینگیزی غوشوپدینگیز.
البته سیزینگ ۱۳۵۸- نجی ییلدا تۆرکمن حالقی نینگ ملی بأحبیدینی غوراماقدا چکن اجر- زأحمتلری دییمأگه حاجات یوق، سبأبی تۆرکمینگ یدی یاشانیندان یتمیش یاشانی مونی بیلیأن بولسا گرک. البته بوسغونلیق دؤورینده باشدان گچیرن قینچیلیقلارینگیز، حتی اؤلۆمینگ بأرسیندن غایدادینگیز- دا کؤپلره مألیم.
حورماتلی آخون آغا!
بیلشینگیز یالی تۆرکمن حالقی نینگ تاریخیندا حالقینگ اؤنگۆنده بورجونی بتیرن آخون موللاریمیز آز بولماندیر، عثمان آخون، ادریس آخون، رجب آخون، ولجان آخون وافی... سیز-م شول نسلینگ دوامی سینگیز، سیز- م اؤز ملی بورجونگیزی مردانه یرینه یتیردینگیز هم یتیریپ گلیأرسینگیز. یؤنه غینانساقدا بو گۆن سیزینگ یاش اؤسمرلریمیزه یادیگأر غالدیران "مدنی و سیاسی اوجاغینگیز" اؤز بللی اوغورونی تاپیپ بیلمأن گلیأر. حاچان- دا بو غورامانینگ اۆستۆندن یاد- بیگانه لرینگ بویروغی، حؤکومی یؤرِه یأرکأ، بیزینگ اؤنگده باریجیلاریمیز اولارا "لــِپـبی آغا" دییپ، بیر دییـِنلرینی ایکی اتدیرمأندیلر. یؤنه بو گون شول مدنی و سیاسی اوجاق اؤزباشینا حرکت اتمأگه سینانشاندا غینانساغام اؤزۆنی یولباشچی ساییانلار دؤرلی یردن دۆرلی هنگ چالیپ، آتالاریندان میراث غالان یالی شول بیر یورغانی دییدیپ باشلادیلار. شـِیدیپ هم بیز ایله- گونه ماسغارا بولوپ، بیر هنگدن غوپوپ بیلمأن گلیأریس.
غادیردان آغامیز!
اگر- ده تاریخینگ شو پورصاتیندا تۆرکمن حالقی نینگ چوربا چیقانجالاری ایله- گۆنه بار بولان بورجونی یرینه یتیریپ بیلمِـسلر ارتیرکی نسیل ینگ غارغیشینا ســِزِوار بولجاغی ایکوجسوزدیر. شونگا گؤرأ سیز جناپلاردان اتجک توقغامیز شو
سیز بیر بیان نامه یایرادیپ تورکمنلری ایندی۳۰ ییلدان غاوراق واقت بأری شهیدلرینگ حاق یولونی غوراپ گلیأن "مدنی و سیاسی اوجاغینگ" بایداغی آستیندا جمع لنمگینی ایسلأنگ. بو بیان نامانی غولداپ اونونگ آشاغینا قوللارینی قویانلارینگ حاقینگ- حاقیقاتینگ و حالقینگ یولوندا دوراندیغینی برک نیغتانگ. بلکی سیزینگ بو تاغاللانگیز بیزینگ آغزی بیرلیگیمزه اولی یاردام هم قولداو بولار.
سیزه یـِنه بیز گزک جان ساغلیق دیلــِمک بیلن
آقمیرات گۆرگنلی
مدنی و سیاسی اوجاغینگ حواندارلاریندان بیری
۲۰۱۰- نجی یئلینگ
۲- نجی آگوستی
No comments:
Post a Comment