شهید عبدالله قیزیل

شهید عبدالله قیزیل یورکلرده یاشایار

1335-1359

عبدالله بیلن ایلکینجی مکدبینگ 5-نجی، 6-نجی کلاسلاریندا ساپاقداشدیم. اولارینگ اوباسی "حوجه لاردا" دینگه دؤرت کلاسه چنلی مکتب باردی. عبدالله هر گون 7، 8 کیلومتر یول سؤکوپ بیزینگ اوبامیزا (اولی آریق) غاتناپ اوقایاردی. تومسونا بولسا آرابا بیلن سووسیز اوبالارا سوو داشاپ، اوقوو حازجینی غازانیاردی. اول یاشلیقدان آغیر زأحمته بیشیپ، غاریپلیغینگ آجی شارپیغینی دادیپ گلیپدی.

ایراندا حالقلارینگ 1357-58 نجی ییللارداقی انقلابی حرکتلرینه عبدالله هم باتیرغای غاتناشیپدی. سونگ بولسا "مدنی و سیاسی اوجاغینگ/ کانون فرهنگی و سیاسی" نینگ دویبونی توتوجیلارینگ بیری بولوپ اورتا چیقدی. رژیم ینگ کوممت غاویزا بیرینجی هجومینده عبدالله دوشمانینگ بیلینی سیندیریپدی.

 پارتیزانلیق اوقیبینیی اؤسدورمک ماقصادی 58-نجی ییلینگ تومسوندا بیلن هم- ده کرد حالقینا یارادام برمک اوچین عبدالله سنندجه گیدیأر. سونگقی گزک من عبدالله نی حاولیقماچ یاغدایدا کوممت باریارقا بندرتورکمنینگ مینی بوس گاراژینده گؤروپدیم. آیاغیندا آق فوتبالی کووش باردی.

ایکینجی اورشونگ اودی توتاشدی. عبدالله بیرنأچه آرقاداشی بیلن کوممت ینگ آشاق یوزوندأکی بوغدایلیقلارینگ ایچی بیلن شهره گیرمأگه سینانشیاردی. اما دوشمان اونی غاباپ، تانک دان آتیلان کالیبر 30 بیلن دیزیندان یارالایار. شئیله لیک بیلن عبدالله جلادلارینگ الینه دوشیأر.

توماج و یولداشلاری نینگ ترور ادیلندیگینی اشیدن عبدالله یئنه اؤز گپی نینگ اوستونده مرتلیک بیلن دوردی. آرا دوشوپ اونگا "اؤتونچ حاطینی" یازدیرماقچی بولیان تورکمن آخون- ملالاری ایزینا قاوراردی. زندانداقی آغیر غیناغلار- دا اونی باریان یولوندان دأندریپ بیلمه دی. دادگاه انقلاب- دا آدینی و فاملینی سورانلاریندا: "آدیم انقلاپ، فامیلیم بولسا ضد انقلاب" دییپ، قاضی لاری و پاسدارلاری ماسغارالاپدیر.

عبدالله نینگ جانینا حاوپ آبانیاندیغی حاقیندا تهراندا چاپ بولیان "کار" روزنامه سیندا دویدوریش چاپ ادیلدی. اما جلادلار رحمسیزلیک بیلن بوتین صأحرامیزدا اؤلوم توخمینی سپیأردیلر

 ادیل 1359-نجی ییلینگ تیر آیندا آجی بیر حابار، یاغنی عبدالله نینگ زنداندا آتیلان حاباری بوتین صأحرانی یاسا بوغدی. حوجالارینگ آشاق یوزوندأکی عبدالله لارینگ غاریپ چاتماسینی نینگ اؤنگونده آدمدان حیم بریأردی. رژیمینگ حایباتینا قولاق غابارتماق تورکمنلر اونی سونگقی یولونا اوغراتدیلار. عبدالله نرسسه هنیز 24 یاشینداقا بو دونیأ بیلن حوشلاشمالی بولدی. اول "بهاءالدین" قونومچیلیغیندا توپراغا بریلدی.

عبدالله بوتین عمرینی حالقینگ ارکینلیگی اوغروندا صارپ اتدی، شونونگ اوچین المیداما حالقینگ یوره گینده ابدی یاشایار.

یاتان یری یاغتی، یولی دواملی بولسون

آقمیرات گورگنلی

من هرگز آن شب تلخ تیرماه ۱۳۵۹ را فراموش نخواهم کرد. ساعت یک و نیم شب بود. نگهبان زندان صدا زد: عبدالله قیزیل. وقتی قزیل را می بردند همه زندانیها در خواب بودند. او بدون اینکه یاران خود را بیدار کند رفته بود. فقط به یکی از زندانیان عادی که بیدار بود گفته: "مرا برای اعدام می برند". او می گوید: "چرا دوستانت را بیدار نمی کنی؟" گفته بود که: "نمی خواهم در آخرین لحظات زندگیم دوستانم را ناراحت ببینم". اندکی بعد طنین صدای عبدالله "مرگ بر جلادان، زنده باد خلق تورکمن" فضای زندان گنبد را بلرزه در اورد." (از خاطرات یکی از هم بندان عبدالله)0