تـۆرکمنیستانینگ ایلکینجی پره زیدنتی نینگ آتیلان گونی
1894-1938
تـۆرکمنیستان دؤولتی نینگ برقرار ادیلمگی نینگ ۱۵-نجی ییلی دابارا بیلن بلله نیأرکأ، بو دولت ینگ دؤیبونی توتان ایکی سانی گرچک ییگیدیمیز اییأم یوق ادیلیپدیلر. غایغیسیز آتابایف ۱۹۳۸- نجی ییلینگ فورال آیئندا ماسکوادا، ندیربای آیتاکوف بولسا شول ییلینگ۲۸- نجی اوکتیابریندا غانلی رپره سیانینگ پیداسی بولدی.
ن.آیتاکوف نأحاق توتولیپ یوق ادیلنده باری-یوغی ۴۲ یاشیندادی. اونگا " ژاپن نینگ ایچالیسی" دیین عایپلاما بیلدیریلیپدی. ساویت حؤکـﯚمتی بی گنأدیگینی بویون آلیپ ۱۹۵۶-نجی ییلدا آیتاکوفی آقلادی!
"ن.آیتاکوف داشکنتده ایشلأپ یؤرن دؤورﯚنده عدالت مینیسترلیگینده ایشلأپ یؤرن ابراهیم نورایف دیین بیریسی بیلن تانشیپ سونگرا اونی اؤزی بیلن تـﯚرکمنیستانا آلیپ غایدیار. اول آشغاباتدا "ن ک ود" (سونگراقی ک گ ب) اداراسیندا ایشلیأر، ۱۹۳۸-نجی ییلدا آیتاکوف "حالق دوشمانی" دیییپ توسساغ ادیلنده نورایف مونگا غاتی بگنیأر. یؤریته اؤزی گیدیپ، آیتاکوفی توسساغ ادیأر و سوراغ اتمک مسئله سینی اؤزی آلیپ باریار. سونگرا اول آیتاکوفی آتیپ اؤلدﯚرمأگه اؤزﯚنه روغصات بریلمگینی سورایار. مونگا-دا روغصات بریلیأر. نورایف اؤلـﯚمه حؤکـﯚم ادیلنلری سـﯚیری مانگلاییندان آتیپ اؤلدﯚرر اکن، یؤنه آیتاکوفینگ غاضاپدان دولی ناظارینا تاپ گتیرمأن، اونی ینگسه سیندن آتیپدیر."
نورایف-ده استالینچیلیغینگ غانلی رپرسسییاسیندان سیپیپ بیلمأن، مزدینی آلیار و آتیلیپ، یوق ادیلیأر
تـﯚرکمنیستانینگ ایلکینجی پرزیدنتی نینگ آدی پایتاغت آشغابادینگ اولی کؤچه لری نینگ بیرینه داقیلیپ اونونگ آدی ابدیلشدیریلدی. اونگا یادیگأرلیک هیکل اوتوردیلمادی. یؤنه آیتاکوفام ادیل اگیندشی آتابایف یالی ایکینجی رپرسسییا دوچار بولوپ، آدی نینگ توتولماغینا، آت-آبرایی نینگ، مرتبه سی نینگ بلنده گؤتریلمگینه دیکتاتور نیازوف غاداغانچیلیق گیریزدی. بو هنیزم دوام ادیأر. مونگا غارامازدان بو بییک مرتبه لی انسان حالقیمیزینگ یـﯚرگینده ابدی یاشایار و یاشارام. آیتاکوفینگ ذلیلی و ادوارد دیین اوغوللاری مسکوادا یاشایارلار. اولار عالیم آداملار بولوپ یتیشدیلر.
کؤپرأک ماغلومات ادینمک اوچین سرادینگ
http://ilguyji.blogspot.com/2010/09/blog-post_1392.html
No comments:
Post a Comment